Hwyl Hwyr

3:45 - 5:00 Nos Lun yn Festri Capel y Morfa

TYMOR YN DECHRAU 10 IONAWR 2011

Mae Hwyl Hwyr yn glwb Cristnogol ac yn dechrau am chwarter i bedwar ac yn gorffen am bump. Mae'n cwrdd ar nos Lun, yng Nghapel y Morfa, Aberystwyth. Mae Hwyl Hwyr yn denu llawer o blant o flynyddoedd 3 i 6 o gylch Aberystwyth. Mae tua 25-30 o blant yn dod bob wythnos. Ar ddechrau pob sesiwn (ond am un cynta'r flwyddyn) mae un person yn derbyn Medal Hwyl Hwyl. Mae hyn yn digwydd am achos eitha teg - pob sesiwn mi fydd y staff yn sylwi ar gwrteisi, ymddygiad da a hapusrwydd pawb, a'r un sy'n trio y caletaf ac yn llwyddo i wneud y gorau fydd yn derbyn y Fedal y sesiwn nesaf. Bydd y person hwnnw yn cadw'r Fedal trwy'r sesiwn. Mae pawb yn cael dod ag ugain ceiniog i gael prynu dau fisged a sgwosh, ac ar y diwedd mi fydd un o'r staff yn agor bocs o losin i bawb gael un Moami, un loli pop neu ddau losin blas ffrwythau.  Ar ddechrau'r sesiwn cyn rhoi'r Fedal bydd pawb yn gweddïo. Trwy'r sesiwn byddwn yn chwarae llawer o gemau hwyl unigol neu dîm, neu'n cwblhau cwisis neu'n gwrando ar storïau o'r Beibl. Mae llawer o hwyl sy'n digwydd yn eitha hwyr yn gwneud HWYL HWYR! 

Dafydd Thomas (blwyddyn 6)

CROESO I BAWB!

Am ragor o wybodaeth, cysylltwch â Hwyl Hwyr.

Bydd angen i bob aelod newydd lenwi Ffurflen Wybodaeth a Chaniatâd
(Ffeil PDF yw hon - gellir cael darllenydd PDF Adobe Reader yma)